Լոնդոնում ձերբակալվել է Բոսնիայի նախկին նախագահ Էյուպ Գանիչը, որին Սերբիայի դատարանը մեղադրում է 90-ականներին բալկանյան հակամարտության ժամանակ գործած ռազմական հանցագործությունների մեջ։ news.am-ի մատուցմամբ, 63-ամյա Գանիչը ձերբակալվել է Լոնդոնի Հիթրոու օդանավակայանում։ Բոսնիայի նախկին նախագահը Սերբիայում մեղադրվում է վիրավոր զինծառայողների սպանության մեջ, ինչը Ժնեւյան հռչակագրի խախտում է։ Գանիչը, ինչպես սպասվում է, Սերբիայի իշխանություններին կհանձնվի այն բանից հետո, երբ նրանք Մեծ Բրիտանիա կուղարկեն էքստրադիցիայի համար անհրաժեշտ բոլոր փաստաթղթերը: Բելգրադի շրջանային դատարանը 2009 թ. փետրվարին հայտարարել էր բոսնիացի 19 նախկին չինովնիկներին ձերբակալելու մասին, որոնց թվում էր նաեւ Էյուպ Գանիչը։
