Կենտրոն եւ Նորք-Մարաշ համայնքների ընդհանուր իրավասության դատարանը երեկ սկսեց ՀՀ մաքսային պետական կոմիտեի նախկին պետ Արմեն Ավետիսյանի տան վրա 2008թ.-ին ավազակային հարձակման դեպքի առթիվ հարուցված քրեական գործի դատաքննությունը: Սակայն դատական նիստին ոչ Ա. Ավետիսյանը, ոչ էլ նրա կողմից լիազորված որեւէ անձ չէր ներկայացել: Նշենք, որ այս գործով մեղադրանք է առաջադրվել 10 հոգու:
Ըստ «Ա1+»-ի, դատավորը կողմերին ներկայացրեց իրենց իրավունքներն ու պարտականությունները, որից հետո նիստը հետաձգվեց մինչեւ մարտի 19-ը, քանի որ մեղադրյալներից մեկի պաշտպանը չէր ներկայացել նիստին:
