Երեկ Հայաստանի Ազգային անվտանգության ծառայության մարմինների կողմից իրականացված օպերատիվ-հետախուզական միջոցառումների արդյունքում կասեցվել է Թեհրան-Երեւան-Մոսկվա-Բանգկոկ տարանցիկ ճանապարհով թմրամիջոցների մաքսանենգ տեղափոխման փորձ: Երեւանի «Զվարթնոց» օդանավակայանում երկու ուղեւորների ուղեբեռի զննության ժամանակ հայտնաբերվել է 3 կգ «Մետամֆետամին» տեսակի ծանր թմրանյութ:
Ըստ ՀՀ ԱԱԾ մամուլի կենտրոնի, դեպքի առթիվ հարուցվել է քրեական գործ: Նախաքննությունը կատարում է ՀՀ Ազգային անվտանգության ծառայության քննչական վարչությունը:
