Փետրվարի 27-ին, առավոտյան ժամը 11:00-ին, ՀՅԴ Հունաստանի Երիտասարդական միության կազմակերպությամբ բողոքի ցույց տեղի կունենա Աթենքում՝ Ադրբեջանի դիվանագիտական ներկայացուցչության շենքի առջեւ, հաղորդում է «Նոյյան Տապան»-ը: Սկսած 1988թ-ից՝ ամեն տարի փետրվարի 28-ին ողջ հայությունը հիշում է ադրբեջանական Սումգայիթ քաղաքի խաղաղ հայ բնակչության դեմ Ադրբեջանի իշխանությունների եւ քրեական տարրի կողմից կազմակերպված եւ իրագործված արյունալի ոճիրը: Սումգայիթի դեպքերը ազդարարել են Ադրբեջանում հակահայկական հալածանքների ու բռնությունների աննախադեպ նոր ցեղասպան ալիքի սկիզբը: Այդ ալիքի զոհը դարձավ Կիրովաբադի, Ղազախի, Խանլարի, Դաշկեսանի, Մինգեչաուրի, Բաքվի ու այլ բնակավայրերի հայությունը:
