Ուրուգվայցի կոմպոզիտոր Կորյուն Ահարոնյանը Մոնտեվիդեոյի քաղաքապետ Ռիկարդո Էռլիչիից ստացել է Պատվավոր քաղաքացի տիտղոս եւ շքանշան: Շքանշանի հանձնման արարողությանը, որը տեղի է ունեցել «Սոլիս» թատրոնում, ներկա են եղել Ուրուգվայի կառավարության անդամներ եւ ճանաչված մշակութային գործիչներ: Ինչպես «Նոյյան տապանին» տեղեկացրեց Մոնտեվիդեոյի «Ռադիո-Արաքսի» տնօրեն Դիեգո Կարամանուկյանը, 70-ամյա Կորյուն Ահարոնյանը մեծ հարգանք է վայելում որպես կոմպոզիտոր եւ երաժշտության մանկավարժ:
