Երեկ Երեւանում տեղի է ունեցել ԵԱՀԿ աջակցությամբ իրականացվող համայնքային ոստիկանության ծրագրի շրջանակներում կազմակերպված Արաբկիր համայնքի Քաղաքացիների խորհրդակցական խմբի ընդլայնված հանդիպում: Այս մասին հայտնեցին ԵԱՀԿ երեւանյան գրասենյակից: Արաբկիրի համայնքային իշխանությունների ներկայացուցիչները, ՀՀ ոստիկանության պաշտոնյաները եւ քաղաքացիական հասարակության անդամները հանդիպել են՝ քննարկելու տեղական մակարդակում հանցանքները եւ անվտանգության խնդիրները, ինչպես նաեւ այդ խնդիրների լուծման ուղիները՝ Քաղաքացիների խորհրդակցական խմբի հետ համագործակցության միջոցով, որը կանոնավոր կերպով հանդիպումներ է անցկացնում:
«Ես ուրախ եմ, որ ոստիկանության եւ բնակչության համագործակցությունը էլ ավելի է ամրապնդվում Արաբկիր համայնքում»,- ասել է ԵԱՀԿ երեւանյան գրասենյակի ղեկավարի պաշտոնակատար Քարել Հոֆսթրան:
