«Մարտի 1-ին ընդդիմությունը նախապատրաստվում է հանրահավաքի, ի՞նչ եք կարծում, դա կարո՞ղ է դառնալ վճռորոշ հանրահավաք»: Պատասխանելով այդ հարցին՝ Ազգային ժողովի պետաիրավական հանձնաժողովի նախագահ Դավիթ Հարությունյանն ասաց. «Արտախորհրդարանական ընդդիմությունը անշուշտ ունի որոշակի հեղինակություն հասարակության մեջ, եւ շատ բնական է, որ ընդդիմությունը փորձում է կյանքի կոչել իր քաղաքական ծրագիրը: Ասում եք՝ վճռորո՞շ, ո՞ւմ համար: Երկրի համար սա բնականոն պրոցես է, բայց բնական պրոցես չէ, որ ընդդիմության մի էական հատվածը խորհրդարանում չէ։ Սակայն սա էլ է տարածված քաղաքական երեւույթ, այսինքն՝ ամեն ինչը տեղավորվում է քաղաքական տրամաբանության մեջ»:
