![\"\"](\"https://www.aravot.am/2010/aravot_arm/February/23/p1.jpg\")
Հայ-թուրքական արձանագրությունները խորհրդարանում վավերացնելուց առաջ լսումներ անցկացնելու գաղափարը ՀՀԿ խմբակցության ղեկավար Գալուստ Սահակյանը անընդունելի է համարում: Երեկ «Ա1+»-ի հետ զրույցում նա հայտարարեց, որ լսումների կարիք ընդհանրապես չկա. «Երբ թուրքերը կվավերացնեն արձանագրությունները, մենք էլ առանց լսումների, առանց համոզելու կվավերացնենք, կվերջացնենք»: Պարոն Սահակյանն ասաց, թե մեկ տարի է՝ ամբողջ աշխարհը քննարկում է այդ հարցը՝ էլ Սփյուռքում, էլ Հայաստանում, ամեն տան մեջ այսօր հայ-թուրքական հարցն է քննարկվում: «Հիմա մի քանի հատ ծրտո «Ժառանգության» համար պիտի ամբիո՞ն տրամադրենք, բա դա քաղաքական մեծամասնության բա՞ն ա»,- հարցրեց Գալուստ Սահակյանը:
