ՀՀ երկրորդ նախագահի գրասենյակի ղեկավար Վիկտոր Սողոմոնյանը չի ցանկացել մեկնաբանել ՀԱԿ ներկայացուցիչ Դավիթ Շահնազարյանի հայտարարությունները Ռոբերտ Քոչարյանին Հաագայի միջազգային դատարանում պատասխանատվության կանչելու մտադրության մասին: «Իմաստ չեմ տեսնում մեկնաբանել բացահայտ հիմարությունը, առավել եւս այնպիսի «հատուկ օժտված» գործչի կատարմամբ, ինչպիսին է Դավիթ Շահնազարյանը»,- «Մեդիամաքսին» ասել է Վիկտոր Սողոմոնյանը: Դեռեւս 2008թ. սեպտեմբերին Միջազգային քրեական դատարանի (ICC) պաշտոնական ներկայացուցիչ Նիկոյլա Ֆլետչերը «Մեդիամաքս» գործակալության հետ հարցազրույցում ասել էր, որ ICC-ն չի քննարկելու ՀՀ նախկին նախագահ Ռոբերտ Քոչարյանին պատասխանատվության հրավիրելու հայաստանյան ընդդիմության նախաձեռնությունը:
