Մեկնում են Դյուսելդորֆ

Վաղը ձյուդոյի Հայաստանի հավաքականը՝ Արմեն Նազարյան, Համբարձում Տոնոյան (երկուսն էլ՝ 66 կգ քաշային կարգ), 73 կգ քաշայիններ՝ Արթուր Վարդանյան, Արտյոմ Բաղդասարյան եւ Հակոբ Առաքելյան (100 կգ) կազմով, մեկնում է Դյուսելդորֆ՝ մասնակցելու հաջորդ օրը մեկնարկող «Գրան պրի» մրցաշարի 1-ին փուլին: Դրանից հետո թիմը, բացի Վարդանյանից, հանդես կգա նաեւ աշխարհի գավաթի խաղարկությունում:
Երեկ հանրապետության ձյուդոյի ֆեդերացիայից տեղեկացրին նաեւ, որ նախօրեին ավարտված Հայաստանի պատանիների գավաթի խաղարկության (20 մարզական կազմակերպությունների 158 մասնակից) ավարտից հետո այս տարիքային խմբի հավաքականը հաջորդ ամսվա սկզբներից ուսումնամարզական հավաք է անցկացնելու, որի ընթացքում նախապատրաստվելու է մարտի 20-21-ը Թուրքիայում կայանալիք Եվրոպայի պատանիների գավաթի խաղարկությանը: Այնուհետեւ մեր մարզիկները տեղում կմասնակցեն միջազգային ուսումնամարզական հավաքի: