Իրանի Ուրմիա քաղաքում ոստիկանությունը ձերբակալել է հինգ քուրդ երիտասարդների եւ մեղադրել նրանց PKK-ի իրանական թեւին՝ PJAK-ին օգնելու մեջ: Ձերբակալվածները, սակայն, չեն ընդունել իրենց մեղքը: Այդ մասին փոխանցում է «news.am»-ը՝ վկայակոչելով թուրքական «Iha» գործակալությունը: Աղբյուրը տեղեկացնում է, որ իրանական ոստիկանությունը հենց փողոցում, բոլորի աչքի առաջ ոստիկանական ավտոմեքենաների վրա հատուկ հարմարեցված սարքի միջոցով կախաղան է բարձրացրել բոլոր հինգ քրդերին: Նշվում է, որ մահապատժի պատճառը եղել է քուրդ հայտնի ընտանիքների եւ իրանական իշխանությունների միջեւ առկա լարվածությունը:
