Երեկ ՀՀ տնտեսական մրցակցության պաշտպանության պետական հանձնաժողովի հերթական նիստի ընթացքում քննարկվել է դեղորայքի շուկայում գործող «Ամիկուս» ընկերության վարչական բողոքը՝ հակամրցակցային համաձայնության համար տուգանքի որոշումն ընկերության մասով ուժը կորցրած ճանաչելու մասին:
«Ամիկուսը» Հանձնաժողովի որոշմամբ տուգանվել է իր նախորդ տարվա հասույթի 2%-ի չափով՝ մոտ 18.4 միլիոն դրամով: Տուգանքն ընկերության նկատմամբ կիրառվել է՝ նախորդ տարվա սեպտեմբեր-նոյեմբերին հակամրցակցային համաձայնության արդյունքում միաժամանակյա առաջին անհրաժեշտության մի շարք դեղերի իրացման գները չհիմնավորված բարձրացնելու համար: Ըստ հանձնաժողովի ուսումնասիրության, հակամրցակցային համաձայնությունը կայացել է դեղորայքի շուկայում գործող 7 խոշոր՝ իրացման ծավալներով շուկայի առաջատարները համարվող ընկերությունների միջեւ:
Վարչական բողոքում նշված փաստերը, հանձնաժողովի գնահատմամբ, հիմնավորված չէին, ուստի՝ բողոքը մերժվեց, հակամրցակցային համաձայնության մասին կայացված Հանձնաժողովի որոշումն ուժի մեջ մնաց:
