Փետրվարի 15-ին շարունակվել են Ազգային անվտանգության խորհրդի քարտուղար Արթուր Բաղդասարյանի հանդիպումները ֆրանսիացի պաշտոնյաների հետ:
Ազգային անվտանգության խորհրդի քարտուղարի մամուլի գրասենյակը հայտնում է, որ Եվրոպական հարցերի պետքարտուղար Պիեռ Լելուշի հետ հանդիպման ընթացքում քննարկվել են եվրոպական կառույցների հետ Հայաստանի համագործակցությանը վերաբերող հարցեր: Կողմերը պայմանավորվել են, որ Հայաստան-ԵՄ համագործակցության շրջանակում Ֆրանսիան ուղղակիորեն կաջակցի Հայաստանում մի շարք ուղղություններով բարեփոխումների իրականացման գործընթացին: Հանդիպման ընթացքում քննարկվել են հարավկովկասյան տարածաշրջանին առնչվող խնդիրներ:Արթուր Բաղդասարյանը հանդիպել է նաեւ Ֆրանսիայի ազգային հետախուզության համակարգող Բեռնար Բաժոլեի հետ: Պայմանավորվածություն է ձեռք բերվել Հայաստանի եւ Ֆրանսիայի իրավապահ մարմինների միջեւ համագործակցությունը զարգացնելու մասին:
