Փետրվարի 15-ի վաղ առավոտյան, Բելգիայում, Հալլա քաղաքից ոչ հեռու, ամենաքիչը 20 մարդ է զոհվել եւ ավելի քան տասնյակ մարդ ծանր վնասվածքներ է ստացել միջքաղաքային երկու գնացքների ճակատային բախման արդյունքում: Վթարի պատճառները դեռ հայտնի չեն: BBC-ի մատուցմամբ, առաջինը, ինչ փորձել են անել երկաթգծի ծառայությունները՝ ճշտելն է, թե երկու գնացքներն ինչպե՞ս են հայտնվել նույն գծուղու վրա: Բելգիական ԶԼՄ-ների փոխանցմամբ, գնացքի համակազմերը բախվել են ձյան պատճառով եղած սահմանափակ տեսանելիության արդյունքում:
Հիշեցնենք, որ սա Բելգիայում տեղի ունեցած առաջին նման վթարը չէ: 2008թ.-ին համանման մի միջադեպի արդյունքում 40 ուղեւոր էր վիրավորվել, բայց այն ժամանակ, բարեբախտաբար, զոհեր չկային:
