ԱԻՆ փրկարար ծառայությունից երեկ «Առավոտին» տեղեկացվեց, որ Երեւան-Գյումրի ճանապարհին, դեռեւս չպարզված հանգամանքներում, «ԳԱԶԵԼ» մակնիշի 18 OՍ 574 պետհամարանիշի ավտոմեքենան դուրս է եկել երթեւեկելի հատվածից եւ շրջվել ձորը: 57-ամյա ուղեւորը՝ Մանյա Մուրադյանը տեղում զոհվել է, իսկ 55-ամյա վարորդը՝ Խ. Հարությունյանը եւ եւս 10 ուղեւոր մարմնական վնասվածքներով տեղափոխվել են Թալինի հիվանդանոց:
Բժիշկների կողմից վարորդի վիճակը գնահատվել է միջին ծանրության, ուղեւորների վիճակը բավարար:
