Իշխանությունները հետիոտներից պահանջում են աղբանոցի ու պետքարանի միջով անցնել:
![\"\"](\"https://www.aravot.am/2010/aravot_arm/February/16/p7.jpg\")
Լուսանկարում պատկերված աղբանոցը Նուբարաշենում չէ: Դա գործող անցում է, որը գտնվում է Թբիլիսյան խճուղում: Թեեւ իշխանություններն ամեն օր հորդորում են հետիոտներին, որ հարգեն օրենքը եւ անցումով անցնեն, սակայն այդ աղբակույտերին նայելով՝ ամենաօրինապաշտ հետիոտնը կյանքում չի փորձի անսալ իշխանությունների հորդորը եւ ոտք դնել այդ աղբանոցը: Իհարկե, ստորգետնյա անցումով անցնելը պետք է որ ողջունելի լիներ՝ ![\"\"](\"https://www.aravot.am/2010/aravot_arm/February/16/p8.jpg\")
նախեւառաջ մարդու անվտանգության տեսանկյունից, սակայն հաշվի առնելով, որ այդ անցումը կատարյալ անտարբերության է մատնված եւ նույնիսկ մի լամպով տարածքը չի լուսավորվում, այն ավելի շատ ծառայում է որպես բնական կարիքները հոգալու, ծխելու եւ այլ՝ արգելված գործողություններով զբաղվելու տեղ, քան սովորական գետնանցում, որով հնարավոր կլինի հատել փողոցը: Այս ստորգետնյա անցումը մայրաքաղաքի ամենագեղեցիկ եւ ամենամշակութային անցումներից է եղել, որը նախկինում ծառայել է Լամպերի գործարանի աշխատակիցների համար: Ներկայումս, երբ այդ գործարանի տարածքում «Գրանդ Սանն» է գործում, թե՛ անցումը, թե՛ հարակից կանգառը քանդած, անխնամ վիճակում է: Չնայած քաղաքապետարանն այդտեղ տեղադրել է կանգառի ցուցանակը, բայց մարդիկ դարձյալ նախընտրում են խախտել ճանապարհային երթեւեկության կանոնները եւ այդ աղբանոցից հեռու լինել:
