![\"\"](\"https://www.aravot.am/2010/aravot_arm/February/13/p3.jpg\")
Իրաքում պաշտոնապես մեկնարկել է մարտի 7-ին կայանալիք խորհրդարանական ընտրությունների քարոզարշավը: Այդուհանդերձ, BBC-ի փոխանցմամբ, առայժմ բաց է մնում 170 թեկնածուների՝ այդ ընտրություններին մասնակցության հարցը: Նրանց արգելվել է ընտրություններին մասնակցել միայն այն բանի համար, որ կասկածվում են ժամանակին Սադամ Հուսեյնի ռեժիմի եւ նրա գլխավորած «Բասս» կուսակցության հետ առնչություններ ունենալու մեջ: «The Washington Post»-ի տեղեկություններով, ընտրություններին մասնակցելուն արգելել են երկու հայտնի սունի քաղաքական գործիչների:
Հիշյալ հարցը քննարկման դնելու առաջարկով ժամանակին հանդես էր եկել նաեւ Իրաքի նախագահը: ԱՄՆ ներկայացուցիչներն էլ ավելի վաղ մտահոգություն էին հայտնել, որ թեկնածուների մի մասին ընտրություններից մեկուսացնելը կարող է հանգեցնել միջկրոնական բախումների, նաեւ խարխլել ընտրական գործընթացի նկատմամբ քաղաքացիների վստահությունը:
