Վանկուվերի տաքսի ծառայությունների եկամուտները շեշտակիորեն ընկնում են, քանի որ տաքսիներին արգելված է երթեւեկել օլիմպիական երթուղիներով: Խաղերի կազմկոմիտեն նման կարգազանցներին տեղում տուգանում է $100, իսկ մեքենան տարվում է տուգանային հրապարակ:
«Վարորդները ուղեւոր վերցնելու կամ իջեցնելու համար չեն կարողանում կանգնել: Գործերն անչափ վատ են: Մինչդեռ՝ մենք հակառակն էինք մտածում: Եվ եթե ինչ-որ բան չփոխվի, ստիպված կլինենք վարորդների կրճատել»,- դժգոհում է Վանկուվերի խոշորագույն տաքսի ծառայություններից մեկի տերը՝ Ամրիկ Մահիլը:
