Ավելի քան մեկ ամիս է, ինչ ավարտվել է Նոյեմբերյան քաղաքում գտնվող Տավուշի մարզի ընդհանուր իրավասության դատարանի շենքի հիմնանորոգումը: Այս նպատակով շուրջ 200 միլիոն դրամ է ծախսվել: Չնայած շենքի նորոգումը դեռ Ամանորից առաջ է ավարտվել, սակայն դատարանի շենքը ներկայումս դատարկ է: Խոսակցություններ կան, որ նորոգված շենքը, որտեղ արդեն արտաքին հսկողության տեսախցիկներ կան տեղադրված, պիտի հագեցվի նոր կահույքով: Իսկ կահույքը բերվում է Իտալիայից եւ դեռ տեղ չի հասել: Երբ կհասնի՝ դեռ պարզ չէ, բայց հայտնի է, որ մեծ շենքում ընդամենը մեկ դատավոր է լինելու՝ Արման Կուրեղյանը, դատարանի աշխատակազմը՝ 6-7 հոգի, եւ դատական կարգադրիչները:
