Մարդու իրավունքների միջազգային ֆեդերացիան Ադրբեջանի իրավապաշտպան կենտրոնի ներկայացուցիչներին հրավիրել է մասնակցելու Մարդու իրավունքների համաժողովին, որը կկայանա ապրիլի 6-8-ը՝ Հայաստանում: «Քաղաքացիական հասարակության ինստիտուտ» հասարակական կազմակերպության նախագահ Արտակ Կիրակոսյանի տեղեկացմամբ, Ադրբեջանի ներկայացուցիչները չեն հրաժարվել մասնակցել Երեւանում անցկացվելիք համաժողովի աշխատանքին: Իսկ հրավերը նրանց, ինչպես նաեւ մյուս բոլոր մասնակիցներին, ուղարկվել է Փարիզում գտնվող Մարդու իրավունքների միջազգային ֆեդերացիայի գրասենյակից: Երեւանում անցկացվելիք համաժողովին կմասնակցի 30 երկիր:
