tert.am-ը, հենվելով «Ankara» գործակալության տեղեկությունների վրա, գրում է, թե թուրքական Turk Buro-Sen հասարակական կազմակերպությունը հայց է ներկայացրել ընդդեմ Ստամբուլի Սուրբ Գրիգոր Լուսավորիչ եկեղեցու։ Կազմակերպությունը «ժողովրդի շրջանում թշնամանք հրահրելու եւ վիրավորելու» մեղադրանք է առաջ քաշում եւ արդեն դիմել է Անկարայի դատախազություն։
Turk Buro-Sen-ի նախագահ Ֆահրեթթին Յոքուշը մամուլի ասուլիսի ժամանակ հայտարարել է, որ եկեղեցու համացանցային կայքէջում հայկական տառատեսակներն օգտագործելիս երբ սեղմվում են S եւ Y տառերը, հայտնվում է TURKEY=GENOCIDE (Թուրքիա=Ցեղասպանություն) գրությունը։
