Չնայած ծանրաբեռնված ժամանակացույցին, Հայաստանի պետական ֆիլհարմոնիկ նվագախումբը համերգաշրջանի ընթացքում ներկայացնում է նաեւ ուսանող շնորհալի երաժիշտներին: Ինչպես հայտնեցին Ֆիլհարմոնիկ նվագախմբի տնօրինությունից, փետրվարի 12-ին կայանալիք համերգը, որ բաղկացած է միայն Բեթհովենի ստեղծագործություններից, Կոմիտասի անվան կոնսերվատորիայի ուսանողուհի Մարիաննա Ուզանկիչյանի (պրոֆեսոր Կարինե Օհանյանի դասարան) մեկնաբանմամբ կհնչի մեծանուն կոմպոզիտորի Դաշնամուրի եւ նվագախմբի թիվ 1 կոնցերտը (դիրիժոր՝ Էդ. Թոփչյան): Նշենք, որ երիտասարդ դաշնակահարուհին հանդես է եկել ԱՄՆ-ում, Ռուսաստանում, Ֆրանսիայում, Ավստրիայում, Գերմանիայում, Հունաստանում, մասնակցել է Ալ. Մնդոյանցի, Վ. Մամիկոնյանի եւ Ֆ. Կասարդի վարպետության դասերին:
