Գազի գնի կտրուկ թանկացումը ծանր հարված է հասցնելու երկրի տնտեսությանը եւ մեր քաղաքացիներին՝ յուրաքանչյուր սպառողի, երեկ նման հայտարարություն է տարածել ՀՌԱԿ հանրապետական վարչությունը. «Ոլորտի մասնագետների այն դիտարկումը, թե մեր երկրում նույնիսկ թանկացումից հետո գազի գինը ցածր է լինելու համաշխարհային գներից, հետեւաբար մատչելի կլինի սպառողին, զուրկ է որեւէ խելամիտ հիմնավորումից: ՀՀ բնակչության եկամուտները բազմապատիկ զիջում են զարգացած երկրների բնակչության եկամուտներին, հետեւաբար՝ գազի թանկացումը կհանգեցնի շղթայական թանկացումների՝ կենսական նշանակության այլ ոլորտներում»:
