Պրոֆեսիոնալ բռնցքամարտ լուսաբանող արտասահմանյան լրատվամիջոցները տեղեկացնում են, որ 1-ին թեթեւագույն քաշային կարգում WBA/WBO /WIBF վարկածներով աշխարհի չեմպիոնուհի Սյուզի Կենտիկյանը գոտիների պաշտպանության հերթական մենամարտն անցկացնելու է ապրիլի 24-ին: Այդ օրը Համբուրգի «Sporthalle»-ում «գերմանացի» հայուհու մրցակիցը լինելու է Նադյա Ռաոուին:
«Մարդասպան թագուհի» Սյուզին, պրոֆեսիոնալ ռինգում անցկացրած բոլոր 26 մարտերում էլ ծնկի է բերել մրցակիցներին, որոնցից 16-ին՝ ժամկետից շուտ: Սակայն այս մենամարտը նրա եւ բոլորիս համար առանձնահատուկ նշանակություն է ունենալու, քանի որ այդ օրը համընկնում է Մեծ եղեռնի օրվան:
