Միացյալ Նահանգների Քոննեքթիկութ նահանգում գտնվող Միդլթաուն քաղաքում, «Kleen Energy» ընկերությանը պատկանող կառուցվող ջերմաէլեկտրակայանում գազատարի հզոր պայթյուն է տեղի ունեցել, որի արդյունքում շենքում մեծ հրդեհ է բռնկվել ու զոհվել է ամենաքիչը 5 մարդ, կան նաեւ տասնյակ վիրավորներ: Տեղի հրշեջ ծառայության տվյալներով՝ պայթյունի պահին կայանում գտնվել է մոտ 50 մարդ: «Շատ հավանական է, որ շենքի ավերակների տակ կարող են մարդիկ լինել»,- այդ մասին, BBC-ի փոխանցմամբ, հայտարարել Քոննեքթիկութի նահանգապետ Ջոնի Ռելլը: Տեղի իշխանությունները որոշում են ընդունել մարդկանց հարեւան շրջաններ չտարհանել՝ հայտարարելով, որ նրանց ոչ մի վտանգ չի սպառնում: Փոխարենը տեղի իշխանությունները հարեւան շրջանների փրկարար ծառայություններից օգնություն են խնդրել: ԱՄՆ-ի պատկան մարմինները վստահ են, որ տեղի ունեցած պայթյունը ահաբեկչական ակտի արդյունք չէ:
Նախատեսվում էր կառուցվող ջերմաէլեկտրակայանը շահագործման հանձնել այս տարվա ամռանը:
