![\"\"](\"https://www.aravot.am/2010/aravot_arm/February/9/p7.jpg\")
«Կուզեի տեղյակ պահել, որ Հայաստանում, բացի այն, որ գոյություն չունի սահմանադրական կարգ, պատկան մարմինների կողմից բացահայտ ոտնահարվում է յուրաքանչյուրի՝ Սահմանադրական դատարան դիմելու սահմանադրական իրավունքը: Այս տարվա հունվարի 1-ին ենթարկվել եմ խմբակային ավազակային հարձակման՝ Կոմիտասի 1 հասցեում: Ստացել եմ բազմաթիվ սալջարդեր: Հարձակման արդյունքում պատռվել է անձնագիրս, կոտրվել է հեռախոսս:
Փաստի առթիվ ոստիկանության Արաբկիրի բաժնի հետաքննության բաժանմունքում հաղորդում եմ տվել, գրել, որ այն բացահայտ կազմակերպված բնույթ ունի, քանի որ անհնար է վերականգնել Բուսաբանական այգու փաստացի գրանցում պարունակող անձնագիրս»,- «Առավոտին» գրավոր հայտնել է ինքնուս քանդակագործ Գարիկ Կուրղինյանը: Հիշեցնենք, որ վերջինիս խնդրին «Առավոտն» անդրադարձել է, երբ Բուսաբանական այգու հարեւանությամբ գործող տարածքից նրան վտարել էին, իսկ քանդակները՝ մինչ օրս հայտնի չէ, թե ուր են տարվել:
