![\"\"](\"https://www.aravot.am/2010/aravot_arm/February/9/p22.jpg\")
Այն, որ մենք ապրում ենք Հայկական ՍՍՀ-ում, պարզել եմ բոլորովին վերջերս:
Այն, որ մեր երեխաները սովորում են ՀՍՍՀ լուսավորության մինիստրության Երեւանի քաղաքային սովետի գործադիր կոմիտեի ժողկրթբաժնի ենթակայությամբ գործող դպրոցներում, դարձյալ իմացա վերջերս:
Իմացա, քանի որ երեխան անկախ Հայաստանի մյուս երեխաների նման ստացել էր «Աշակերտի առաջադիմության եւ փոխադրման տեղեկագիրը»: Հերթական տեղեկագիրը:
1991 թվականից անցել է 18 տարի: Այդ 18 տարվա ընթացքում, փաստորեն, չեն վերանայվել նաեւ կրթության ոլորտում գործող փաստաթղթերի բլանկները, վկայագրերը: Հետաքրքիր է՝ քանի՞ տարի կպահանջվի դպրոցականների առաջադիմության եւ փոխադրման տեղեկագրիր-ձեւաթերթիկները պատշաճ դարձնելու համար:
