Փետրվարի 4-ին ՀՀ կառավարությունը հավանություն է տվել «Հայաստանի եւ Արաբական Միացյալ Էմիրությունների կառավարությունների միջեւ գիտատեխնիկական համագործակցության մասին» համաձայնագիրը ստորագրելու առաջարկությանը:
Համագործակցության շրջանակներում նախատեսվում է գիտատեխնիկական ոլորտում իրականացնել համատեղ ծրագրեր, ինչպես նաեւ կատարել գիտահետազոտական աշխատանքներ: Կպատրաստվեն նաեւ գիտական կադրեր, կկազմակերպվեն գիտնականների եւ մասնագետների փոխայցելություններ: Կողմերը կօժանդակեն նոր տեխնոլոգիաների փոխանակմանը, հատուկ ուշադրություն կդարձնեն երկու պետությունների գիտնականների համար նորագույն եւ եզակի փորձարարական կայաններից եւ սարքերից օգտվելու մատչելիության ապահովմանը:
