![\"\"](\"https://www.aravot.am/2010/aravot_arm/February/5/p1.jpg\")
Երեկ խորհրդարանում «Ա1+»-ը ՀՀ նախագահի եղբորից՝ ԱԺ պատգամավոր Ալեքսանդր Սարգսյանից հետաքրքրվել է՝ որքանո՞վ են ճիշտ լուրերն այն մասին, որ ինքն է տավարի միսը Թուրքիա արտահանում, եւ այդ պատճառով էլ այսօր մսի գինը կտրուկ աճել է:
Ի պատասխան՝ Սաշիկ Սարգսյանն ասել է, թե՝ ինքն այդքան էժան մարդ չի, որ անասուն արտահանի, ու հավելել է. «Դա հերյուրանք է, ես ոչ մի դեպքում նման գործարքների մեջ չեմ մտել եւ չեմ մտնի: Ուղղակի քաղաքական հերյուրանք է, որ ընդդիմությունը թափում է իմ վրա»: Իսկ ինչո՞վ է պատգամավորը պայմանավորում մսի գնի նման աճը: Ալեքսանդր Սարգսյանը դժվարացել է պատասխանել այդ հարցին՝ ասելով, թե «չեմ կարող ասել, որովհետեւ ոչ հետաքրքրվել եմ, ոչ էլ գիտեմ դրա մասին»: Ի դեպ, «Ա1+»-ը տեղեկացնում է, որ պատգամավոր Սարգսյանը միայն նախօրեին է վերադարձել ԱՄՆ-ից եւ երեկ մասնակցել է ԱԺ նիստին:
