2009 թվականի սեպտեմբերի 9-ին՝ «Կայանները դեռ քիչ են» հրապարակմամբ տեղեկացրել ենք, որ Հայաստանում հակակարկտային կայանները դեռ քիչ են ու Հայաստանում կարկուտի դեմ համալիր պայքարի համար պետք է ունենանք 250 հակակարկտային կայան, որը ապահովելու համար կպահանջվի 1-2 տարի: «Մեդիամաքսի» համաձայն, ԼՂՀ նախագահ Բակո Սահակյանը անցկացրել է ԼՂՀ-ում ժամանակակից տեխնոլոգիաների ներդրման խնդիրներին նվիրված խորհրդակցություն, որին մասնակցել է հայաստանյան «Վիասֆեր» տեխնոպարկի գլխավոր տնօրեն Արամ Վարդանյանը: Ղարաբաղում վստահ են, որ «Վիասֆերի» մշակած եւ Հայաստանի տարբեր մարզերում տեղադրված հակակարկտային կայանները կարող են կիրառվել նաեւ Արցախում: Ըստ Բակո Սահակյանի, հարկ է մինչեւ անձրեւների սկսվելը ԼՂՀ-ում մի քանի հակակարկտային կայաններ տեղադրել եւ փորձարկել:
