![\"\"](\"https://www.aravot.am/2010/aravot_arm/February/4/p16.jpg\")
Մինչեւ 79,4 կգ քաշային կարգ տեղափոխված հայ բռնցքամարտիկ Կարո Մուրադը, որն իր պրոֆեսիոնալ կարիերայում անցկացրած բոլոր 21 մենամարտերում էլ հաղթանակ է տարել (13-ը՝ ժամկետից շուտ), օրերս Գերմանիայի Նոյբրանդենբուրգ քաղաքում գրեթե առանց ջանքերի պաշտպանեց WBO-ի վարկածով միջմայրցամաքային չեմպիոնի գոտին: Գայանացի Շոն Կորբինի հետ մարտում Կարոյից դրա համար պահանջվեց ընդամենը երկու ռաունդ: Նա երկու անգամ նոկդաունի ենթարկեց մրցակցին, որից հետո մրցավարը հարկադրված եղավ կանխել դեպքերի հավանական տհաճ զարգացումը՝ Կարո Մուրադի հաշվին գրանցելով տեխնիկական նոկաուտ:
