«Առավոտում» փետրվարի 2-ին «Կոռուպցիայի հոտ է գալիս» հրապարակման մեջ անդրադարձել էինք Ձորաղբյուրի ամառանոցների սեփականատերերի խնդրին: Այն առնչվում էր ընդհանուր օգտագործման ճանապարհը փակելուն եւ սեփականատերերի դատական պաշտպանության խնդրին:
Երեկ Հայաստանի ԿԱ անշարժ գույքի պետական կադաստրից տեղեկացրին, որ հոդվածում նշված Արմեն եւ Վահագն Վանցյանների անվամբ որեւէ գույքի, ինչպես նաեւ ճանապարհի նկատմամբ որեւէ անձի իրավունքի գրանցում չի իրականացվել:
