«Եվրատեսիլ-2010»-ին մասնակցելու համար Հայաստանից 30 հայտ է ստացվել: Այդ մասին «Արմինֆոյին» հաղորդել է Հանրային հեռուստառադիոընկերության տնօրենի հատուկ նախագծերի գծով խորհրդական Դիանա Մնացականյանը: «Եվրատեսիլ-2010»-ին մասնակցելու ցանկություն հայտնած ճանաչված կատարողների թվում են Ռազմիկ Ամյանը, Միհրանը եւ Էմմին, Եվա Ռիվասը եւ Հայկ Կասպարովը: Բացի այդ, մասնակցության հայտեր են ստացվել ԱՄՆ-ից, Կիպրոսից եւ Մեծ Բրիտանիայից: Ինչպես նշել է Դ. Մնացականյանը, մինչեւ փետրվարի 10-ը 30 հավակնորդից կընտրվի 10-ը, ովքեր էլ ուղիղ եթերում ելույթ կունենան փետրվարի 14-ին կայանալիք ընտրական փուլում: Հիշեցնենք, որ այս տարի «Եվրատեսիլն» անցկացվելու է մայիսի 25-29-ը՝ Օսլոյում:
