«Inter Orto» գերմանական օրթոպետիկ կազմակերպությունը ստեղծվել է 1990 թվականին եւ համագործակցել Հայաստանի հետ, երբ օգնության կարիք ունեին երկրաշարժից տուժած եւ ողջ մնացած հարյուրավոր հաշմանդամներ: Հետո հաշմանդամների քանակն աճեց՝ պայմանավորված պատերազմով: Այսօր էլ «Inter Orto»-ն աշխատում է, մասնավորաբար՝ ՀՀ Տավուշի մարզի հաշմանդամների հետ: Հերթական անգամ կազմակերպության ներկայացուցիչները այցելել էին Տավուշ: Այցերը լինում են երեք տարին մեկ: Գերմանիայում վերապատրաստված եւ բարձր որակավորում ունեցող մասնագետները գալիս են վիրակապ փոխելու եւ գուլպաներ տրամադրում: Այս անգամ էլ հաշվառվել էր 15 հաշմանդամ, ովքեր գոհ էին կազմակերպության օգնությունից:
Այցից հետո «Inter Orto»-ի գլխավոր մենեջեր Գոհար Հարությունյանը հայտարարել է. «Հուսանք, որ հաշմանդամների թիվը գնալով կնվազի մեր հանրապետությունում: Հաշմանդամներին օգնելը բոլորիս պարտքն է»:
