Հինգշաբթի օրը Վենեսուելայի ռազմական ուժերին պատկանող ուղղաթիռը խախտել է հարեւան երկրի՝ Կոլումբիայի օդային տարածքն ու թռիչք իրականացրել սահմանամերձ Արաուկա քաղաքի եւ Կոլումբիայի ռազմաօդային ուժերի օբյեկտների վրայով: «Նման գործողություններն անընդունելի են»,- երեկ հայտարարել է Կոլումբիայի ԱԳՆ-ն, որը Վենեսուելայի արտգործնախարարությանը բողոքի նոտա է հղել՝ պահանջելով բացատրություններ տալ տեղի ունեցած միջադեպի առնչությամբ: ԼՁԸՀ-ՁԸհհ-ի մատուցմամբ՝ այս հարեւան պետությունները պատերազմի շեմին են արդեն նախորդ տարվա աշնանից ի վեր: Նրանց առանց այն էլ լարված հարաբերությունները սրվել են այն բանից հետո, երբ հոկտեմբերի վերջին Կոլումբիայի եւ ԱՄՆ-ի միջեւ ռազմական համագործակցության մասին պայմանագիր է կնքվել:
