Երեկ «Արմինֆո» լրատվական գործակալության ինտերնետային կայքերը (www.arminfo.info եւ www.finport.am) հերթական անգամ ենթարկվել են հակերների վիրուսային գրոհի, ինչի առնչությամբ տեղի է ունեցել համակարգերի լուրջ խափանում: «Մենք չգիտենք, թե հատկապես ով է նպատակադրվել խոչընդոտել ընթերցողի՝ Հայաստանից օբյեկտիվ եւ անկախ տեղեկատվություն ստանալու իրավունքը, սակայն «թշնամիների» համար, իրոք, մեծ գլխացավանք է դառնում գործակալության կայքերի հաճախելիության եւ նյութերի վկայակոչման ինդեքսի աճը բազմաթիվ երկրներում, այդ թվում՝ Ռուսաստանում, ԱՄՆ-ում եւ հատկապես Ադրբեջանում»,- կարծում է «Արմինֆոյի» գլխավոր տնօրեն Էմանուիլ Մկրտչյանը:
