Նախորդ տարվա հունվար-դեկտեմբեր ամիսներին, 2008-ի համեմատությամբ, համախառն ներքին արդյունքի ցուցանիշը մեր երկրում կրճատվել է 14,4%-ով: Տարվա ընթացքում ամենամեծ անկումը գրանցվել է շինարարության ոլորտում: Այն կազմել է 36,4 %: Այս մասին տեղեկանում ենք երեկ Ազգային վիճակագրական ծառայության կողմից հրապարակված հաշվետվությունից: Աղբյուրի փոխանցմամբ, տարվա կտրվածքով անկում է գրանցվել թե արտահանման եւ թե ներկրման ոլորտում: Այն կազմել է համապատասխանաբար՝ 34% եւ 25,3%:
