Երեւանի քաղաքապետ Գագիկ Բեգլարյանի հրավերով՝ հունվարի 29-30-ը Երեւան կժամանի Մոսկվայի քաղաքապետ Յուրի Լուժկովի գլխավորած պատվիրակությունը: Քաղաքապետարանի տեղեկատվության եւ հասարակայնության հետ կապերի վարչությունից հայտնում են, որ այցի ընթացքում կստորագրվի «Մոսկվայի կառավարության եւ Երեւանի քաղաքապետարանի միջեւ առեւտրատնտեսական, գիտատեխնիկական, հումանիտար ոլորտներում համագործակցության մասին» համաձայնագիր: Նախատեսվում է նաեւ համագործակցության ծրագրերի ստորագրում Երեւանի Կենտրոն եւ Մոսկվայի Կենտրոնական, ինչպես նաեւ Ավան եւ Հյուսիսային վարչական շրջանների միջեւ:
