ՀՀ առողջապահության նախարարության մամուլի ծառայությունը տեղեկացնում է, որ Համաշխարհային բանկի ֆինանսավորմամբ՝ «Հայաստանի առողջապահական համակարգի արդիականացում» ծրագրով նախատեսվում է Գյումրիում կառուցել նոր բժշկական կենտրոն եւ հիմնանորոգել Գավառի հիվանդանոցը:
Ըստ նույն աղբյուրի, նշված ծրագրով 2009 թվականին հիմնանորոգվել են Հրազդանի եւ Իջեւանի բժշկական կենտրոնները, հանրապետության 2 մարզերում կառուցվել են 4 գյուղական ամբուլատորիաներ, 8 մարզերում վերանորոգվել՝ 21 ամբուլատորիաներ: Բուժսարքավորումներով հագեցվել են 4 մարզերի 20 գյուղական ամբուլատորիաներ, մասնագիտական ուսուցում են անցել 237 բժիշկ եւ 322 բուժքույր: Եվս 5 մարզում ընթացքի մեջ է 5 ամբուլատորիաների կառուցումը: Այս տարվա առաջին եռամսյակում կավարտվեն Արմավիրի, Ապարանի եւ Արարատի, իսկ 2-րդ եռամսյակում` Գորիսի բժշկական կենտրոնների հիմնանորոգումները: Այս կենտրոնները նույնպես կապահովվեն բժշկական սարքավորումներով եւ կահույքով:
