![\"\"](\"https://www.aravot.am/2010/aravot_arm/January/22/p12.jpg\")
Այսպիսին է Լեռնամերձը եւ ապրիլի 22-ին,
եւ հունվարի 21-ին:
Երեկ ՀԿԿ ղեկավարները՝ կենտկոմի առաջին քարտուղար Ռուբեն Թովմասյանի գլխավորությամբ, կարմիր մեխակներ են դրել կուսակցության հիմնադրի կիսանդրուն՝ ի հիշատակ նրա մահվան տարելիցի: Վլադիմիր Իլյիչի եզակի հուշարձաններից մեկը պահպանվել է Արմավիրի մարզի Լեռնամերձ գյուղում: Կոմկուսի Էջմիածնի շրջանային կազմակերպությունը ձեռքերը ծալած չէր նստել. Լեռնամերձը երեկ զարդարված էր կոմունիստական բոլոր ատրիբուտներով՝ կարմիր դրոշներ, պիոներներ: Միջոցառմանը ներկա էր գրեթե ողջ գյուղը՝ մեծից փոքր:
Տարեցներին հաճելի էր վերհիշել իրենց կյանքի ապրած տարիները, իսկ երիտասարդներին ու երեխաներին՝ հետաքրքիր: Քանի որ լեռնամերձցիները ամեն օր չէ, որ հնարավորություն են ունենում Երեւանից ժամանած այրերի հետ շփվելու՝ առիթը բաց չթողեցին ընկեր Թովմասյանից ստանալու իրենց հուզող հարցերի պատասխանները: Վերջինս հավաստիացրեց, որ լենինյան գաղափարներն այսօր էլ արդիական են եւ քաղաքական դաշտում դեռ կզբաղեցնեն իրենց արժանի տեղը, քանի որ այդ գաղափարախոսությունը հիմնված է արդարության եւ բարոյականության վրա:
