Երեկ թիվ 10 ընտրատարածքային ընտրական հանձնաժողովը ՀՀ վարչական դատարանի պարտադրմամբ քննել ու մերժել է այդ ընտրատարածքում տեղի ունեցած ԱԺ պատգամավորի ընտրություններում թեկնածու Նիկոլ Փաշինյանի լիազոր ներկայացուցիչ Պատվական Հովակիմյանի ներկայացրած 54 էջանոց բողոք-դիմումը, որով պահանջվում էր անվավեր ճանաչել թիվ 10-ի լրացուցիչ ընտրությունները: Դիմումը մերժելուն դեմ քվեարկել է ԸԸՀ-ի 8 անդամներից միայն մեկը՝ «Ժառանգություն» կուսակցության ներկայացուցիչը: ԸԸՀ-ի կայացրած այդ որոշումից հետո երեկ Փաշինյանի ներկայացուցիչները նույն պահանջով դիմել են ՀՀ Սահմանադրական դատարան:
