![\"\"](\"https://www.aravot.am/2010/aravot_arm/January/21/p1.jpg\")
Lragir.am-ի փոխանցմամբ, մի խումբ ամերիկահայեր իրենց մտահոգությունն են արտահայտել Հայաստանի պետական կամերային նվագախմբի ներսում ստեղծված իրավիճակի կապակցությամբ եւ համապատասխան նամակ են հղել Հայաստանի ղեկավարներին, լրատվամիջոցներին: Նամակում նշվում է, թե վերջին օրերին համառ լուրեր են պտտվում Հայաստանի պետական կամերային նվագախմբում ստեղծված անառողջ մթնոլորտի մասին, խոսվում է նվագախմբի պառակտման մասին, ինչպես նաեւ թիրախ է ընտրվել նվագախմբի ղեկավար Արամ Ղարաբեկյանը: Նշվում է, որ Ղարաբեկյանի պրոֆեսիոնալիզմը, խստապահանջությունը իր անձի եւ կոլեկտիվի հանդեպ կարող է դառնալ ընդվզման առիթ: Նամակագիրները ցանկանում են ուշադրություն հրավիրել այս իրավիճակի վրա, որպեսզի կանխվի «Հայաստանում ու Սփյուռքում հուսալքության նոր ալիքը»:
