![\"\"](\"https://www.aravot.am/2010/aravot_arm/January/21/p11.jpg\")
Իրանը ՄԱԿ-ի միջուկային գործակալությանը տեղեկացրել է, որ մերժում են որեւէ այլ երկրում իրանական ուրանի հարստացման մասին պայմանագրի նախագծի առանցքային կետերը: Դրանով Իրանին առաջարկվում էր ցածր հարստացված ուրանի 70 տոկոսը հարստացնել այլ երկրներում՝ Ռուսաստանում եւ Ֆրանսիայում: «BBC»-ի փոխանցմամբ, դա Իրանի կողմից առաջին պաշտոնական արձագանքն է դեռ նախորդ տարվա հոկտեմբերին նախապատրաստված այդ նախագծի առնչությամբ: ԱՄՆ-ն չի ընդունել այդ պատասխանը՝ այն համարելով «անհամարժեք»:
Իրանի կողմից հիշյալ ծրագիրը մերժելու դիրքորոշումն արտացոլված է այն հուշագրում, որն այդ երկիրը ուղարկել է ՄԱԿ-ի ատոմային էներգիայի միջազգային գործակալությանը: Վկայակոչելով դիվանագետներին, աղբյուրը տեղեկացնում է, որ այդ հուշագրում Իրանը պնդել է փոփոխություններ կատարել այն պահանջների մեջ, որոնք ժամանակին Արեւմուտքը մերժել է՝ որպես անհաջող դրույթներ, բայց որոնց առնչությամբ վերջնական պատասխան այդպես էլ չի տրվել:
