«Հայացք» ակումբում հունվարի 14-ին հրավիրված ասուլիսի ժամանակ հայ-թուրքական արձանագրությունների հետ կապված ՍԴ որոշման մասին իրենց կարծիքները հայտնեցին ՍԴ միջազգային պայմանագրերի բաժնի պետ Վլադիմիր Վարդանյանը եւ սահմանադրագետ Վարդան Պողոսյանը: Ինչպես տարբեր ԶԼՄ-ներում, այնպես էլ «Առավոտում» վերջինիս արտահայտած միտքը՝ «Հայկական դիվանագիտությունը կոպիտ սխալ է թույլ տվել՝ ընդունելով Հայաստանի եւ Թուրքիայի միջեւ փաստացի առկա սահմանը ճանաչելու մասին դրույթը» վերագրվել էր Վլադիմիր Վարդանյանին:
