Երեկ «Շիրակ կենտրոն» հասարակական կազմակերպությունը տեղեկացրեց, որ երեկոյան «ԳԱԼԱ» հեռուստաընկերությունը իր եթերում 21-22-ը կանցկացնի բողոքի ակցիա՝ ընդդեմ Նիկոլ Փաշինյանի դատավճռի: Նշված ժամին եթերում լինելու է միայն Նիկոլ Փաշինյանի լուսանկարը եւ վազող տողով գրվելու են այն անձանց եւ կազմակերպությունների անունները, ովքեր միանալու են այդ ակցիային: Ըստ նախապես որոշված ծրագրի, ակցիան կրելու է պարբերական բնույթ: Արդեն իսկ բազմաթիվ քաղաքացիներ եւ կազմակերպություններ միացել են «ԳԱԼԱ»-ի բողոքի ակցիային:
