Հունվարի 20-ից ՀՀ կառավարությունում նախարարները եւ կառավարությանն առընթեր մարմինների ղեկավարները կներկայացնեն 2009թ. ընթացքում իրենց գերատեսչությունների գործունեության հաշվետվությունները։ Կառավարության տեղեկատվության եւ հասարակայնության հետ կապերի վարչության տեղեկացմամբ, վարչապետ Տիգրան Սարգսյանի հանձնարարականով, հաշվետվությունները կներառեն ինչպես հաշվետու ժամանակաշրջանում կատարված աշխատանքներն ու դրանց արդյունքները, այնպես էլ թերացումները, չկատարված աշխատանքների պատճառները։
Հանձնարարվել է հաշվետվությունները հրապարակել նախարարությունների եւ կառավարությանն առընթեր մարմինների ինտերնետային կայքերում։
