![\"\"](\"https://www.aravot.am/2010/aravot_arm/January/19/p1.jpg\")
«Առավոտի» ունեցած տեղեկություններով, հունվարի 25-ին Սոչիում նախատեսվում է Մեդվեդեւ-Սարգսյան-Ալիեւ եռակողմ հանդիպումը: Ըստ ռուսաստանյան դիվանագիտական աղբյուրների, երեկ կայացած Ռուսաստանի եւ Հայաստանի նախագահների հանդիպման ժամանակ դրա մասին ձեռք է բերվել սկզբունքային համաձայնություն: Նույն աղբյուրը կանխատեսում է, որ Սոչիում կայանալիք հանդիպման արդյունքում որեւէ հռչակագիր գուցեեւ չստորագրվի, սակայն էապես նվազելու է Ադրբեջանի ագրեսիվ ռիտորիկան իր հարեւան երկրի նկատմամբ: Մեր թերթին նաեւ հայտնի է դարձել, որ մինչեւ մարտի 1-ը Ռուսաստանը քայլեր է ձեռնարկելու Վրաստանի հետ սահմանակից Վերին Լարսի անցակետը բացելու ուղղությամբ, ինչը Հայաստանի տնտեսության համար կենսական նշանակություն ունի:
Կարդացեք նաեւ՝
