![\"\"](\"https://www.aravot.am/2010/aravot_arm/January/16/p12.jpg\")
Իրանի հյուսիսային շրջանում գտնվող Զանջանի քաղաքային դատարանը ազգությամբ ադրբեջանցի իրավապաշտպան Յաշար Հաքակպուրին (նկարում) դատապարտել է 6 ամսվա պայմանական ազատազրկման եւ մտրակի 50 հարվածի: Իրավապաշտպանը մեղադրվում է իրանական ռեժիմի դեմ հակաքարոզչության եւ երկրի պաշտոնական անձանց պատիվն ու արժանապատվությունը վիրավորող նյութերի տարածման համար:
Աղբյուրի փոխանցմամբ, իրավապաշտպանն ասել է, թե իր դեմ քրգործ հարուցելու պատճառն այն է, որ ինքը զբաղվում է Իրանում ապրող ադրբեջանցիների իրավունքների պաշտպանությամբ: 2005թ. նա մեկ անգամ արդեն ձերբակալվել էր Մարագիի ոստիկանության կողմից, բայց մեկ ամիս անց ազատ էր արձակվել: Lenta.ru-ի մատուցմամբ, Յաշար Հաքակպուրին նախկինում եղել է Զանջանում հրատարակվող մի քանի թերթերի գլխավոր խմբագիրը, նա նաեւ Մարագա քաղաքում գործող «Ադրբեջանի երեխաների տուն» կազմակերպության հիմնադիրներից մեկն է: Հիշեցնենք, որ Իրանում ադրբեջանցիների թիվը կազմում է 15 մլն:
