Ինֆորմացիայի ազատության կենտրոնն ընդդեմ «Տեխնիկական անվտանգության ազգային կենտրոնի» վճիռը կհրապարակվի հունվարի 29-ին, ժ.17-ին: Նախորդ օրը տեղի ունեցած դատաքննության ժամանակ ՊՈԱԿ-ը ներկայացրեց իր մերժման օրինականությունը (այն է՝ ԻԱԿ-ի խնդրած տեղեկությունները պետք է ստանալ ՀՀ արտակարգ իրավիճակների նախարարության մամուլի ծառայությունից)՝ որպես հիմք նշելով ՀՀ արտակարգ իրավիճակների նախարարի 04.08.2009թ. թիվ 99-Ա հրամանը:
Սակայն, ինչպես պարզվեց դատաքննության ժամանակ, վերոնշյալ հրամանի համաձայն ՊՈԱԿ-ին ոչ թե պարտադրվում էր հղում անել ԱԻՆ-ի մամուլի ծառայությանը, այլ տեղեկատվություն տրամադրելու պահանջի դեպքում տեղեկությունների տրամադրումը համաձայնեցնել ԱԻՆ-ի մամուլի ծառայության հետ: Այսինքն, սա ըստ էության տեղեկատվության տրամադրման ներքին կարգ, պայման սահմանող հանձնարարական է:
