«Առավոտը», հղում անելով պաշտոնական աղբյուրին, հունվարի 12-ին «Արտակարգ իրավիճակների տասնօրյակ» խորագրի ներքո տեղեկացրել էր, որ հունվարի 1-ին Արարատի մարզի Տափերական գյուղի մոտ տեղի էր ունեցել ավտոպատահար: Ընթացքի ժամանակ շրջվել, ճանապարհի երթեւեկելի մասից դուրս էր եկել եւ ծառին էր բախվել «Ֆորդ» մակնիշի 16 ՍՍ 179 պետհամարանիշի ավտոմեքենան: Պատահարի հետեւանքով մեքենայի վարորդը՝ 34-ամյա Գեւորգ Ավետիսյանը տեղում մահացել է, իսկ 30-ամյա ուղեւորը՝ Բաբկեն Միքայելյանը մարմնական վնասվածքներով տեղափոխվել էր Արտաշատի հիվանդանոց, այնուհետեւ՝ Երեւանի «Էրեբունի» բժշկական կենտրոն: Հանգուցյալի հարազատների տեղեկացմամբ՝ իրենց հարազատը՝ Գեւորգ Ավետիսյանը ղեկին չի եղել, եղել է ուղեւորը:
